Home

آئی ٹی پروجیکٹ بے ضابطگیوں پر رپورٹ طلب


صوبائی محکمہ تعلیم نے کروڑوں روپے مالیت کے آئی ٹی پروجیکٹ میں ہو نے والی بے ضابطگیوں کے بعد پروجیکٹ کی مکمل رپورٹ طلب کرلی ہے یہ پروجیکٹ گزشتہ سال بند ہوگیا تھا اس پروجیکٹ کے تحت سندھ کے مختلف سرکاری اسکولوں میں 206/ کمپویٹر لیب قائم ہونا تھیں اور انسٹرکٹر بھرتی کئے جانے تھے پروجیکٹ کا آغاز سابق وزیر تعلیم ڈاکٹر حمیدہ کھوڑو کے دور میں ہوا تھا تاہم ابتداء ہی سے یہ پروجیکٹ تاخیر کا شکار رہا
اور اس کے 6/ سے زائد پروجیکٹ ڈائریکٹر تبدیل ہوئے جبکہ کئی گاڑیاں خریدی گئیں تاہم بیشتر اسکولوں میں کمپیوٹر لیب نہیں بن سکی یا انہیں فعال نہیں بنایا جاسکا۔ سیکریٹری تعلیم سندھ صدیق میمن نے پروجیکٹ کے آخری ڈائریکٹر مظہر علی صدیقی کو طلب کرلیا گیا ہے اس حوا لے سے باقاعدہ خط جا ری کیا گیا ہے جس میں مظہر علی صدیقی سے کہا گیا ہے کہ وہ کمپیوٹر لیبز کی تفصیلات اور ہر لیب میں دستیاب چیزوں کی مکمل معلومات، پی سی IV کی کاپی، پروجیکٹ بند ہونے کی رپورٹ اور دیگر تفصیلات کے ہمراہ ایڈیشنل سیکریٹری (جی اے) شرف علی شاہ کو فراہم کریں۔ شکریہ جنگ

up
  • Share this