User login
Daily EDU News
کالجوں میں اساتذہ کی تاخیر سے آمد کا نوٹس
ڈائریکٹر کالجز سندھ پروفیسر ڈاکٹر ناصر انصار نے صوبوں کے کالجوں میں اساتذہ اور عملے کی تاخیر سے آمد اور جلد واپس جانے کا نوٹس لے لیا اور اس حوالے سے کالجوں کے اوقات کار کا باقاعدہ نوٹیفکیشن جاری کر دیا ہے جس میں کالجز کے پرنسپلز سے سختی سے کہا گیا ہے کہ وہ عملے کے کالج وقت پر آنے اور چھٹی تک موجود رہنے کو یقینی بنائیں جس کے مطابق پیر تا ہفتہ کو سائنس کالجز کے اوقات صبح ساڑھے 8 بجے تا دوپہر 2 بجے ہوں گے جمعہ کو 9 تا 12 بجے ہوں گے۔
آرٹس اور کامرس کے کالجوں کے لئے صبح ساڑھے 8 تا ایک بجے اور جمعہ کو 9 تا 12 بجے ہوں گے جبکہ شام کے کالجوں کے اوقات دوپہر 2 تا 8 بجے رات تک ہوں گے جبکہ جمعہ کو دوپہر ڈھائی تا 5 بجے ہوں گے۔ نوٹیفکیشن میں کہا گیا ہے کہ اگر کالج کے عملے نے اوقات کار کی خلاف ورزی کی تو اس کے خلاف ای اینڈ ڈی رولز کے تحت کارروائی کی جائے گی۔ شکریہ جنگ
