سکھرمیٹرک بورڈ ضابطے کیخلاف تقرریاں


سندھ کے دو تعلیمی بورڈز میں قوائد وضوابط کو نظر انداز کرکے خلاف ضابطہ تقرریاں کرنے کا انکشاف ہوا ہے سکھر تعلیمی بورڈ میں گھوٹکی کی کھاد بنانے والی نجی کمپنی کے ایک اکاوٴئنٹنٹ صفدر علی شاہ جو لاڑکانہ بورڈ کے چیئرمین علی شاہ بخاری کا داماد ہیں18 گریڈ میں اکاوٴنٹنٹ مقرر کردیا گیا ہے جبکہ سکھر بورڈ کے اصل اکاوٴنٹنٹ قادر بخش دھاریجو کو انسپکٹر کالجز بنادیا گیا ہے۔ ثانوی تعلیمی بورڈ کراچی میں پروفیسر سراج اسلام بخاری کو میٹرک اور انٹر بورڈ کا کنسلٹنٹ مقرر کیا ہے
ملک کے کسی تعلیمی بورڈ میں کنسلٹنٹ کی اسامی کا وجود نہیں تاہم سراج بخاری کو اصل میں میٹرک بورڈ کی گریڈ 18کی اسامی پرڈائریکٹر فزیکل ایجوکیشن مقرر کیا گیا ہے اور ساتھ ہی ڈائریکٹر کی اسامی کو 18 سے 19 گریڈ کا بھی کردیا گیا سراج بخاری کراچی کے دونوں بورڈز یعنی ثانوی اور اعلی ثانوی بورڈز کے کنسلٹنٹ کی زمہ داریاں بھی ادا کریں گے پروفیسر سراج اسلام بخاری اس سے قبل سندھ ٹیکنیکل بورڈ میں بحیثیت ناظم امتحانات تعینات تھے

مگر ٹیکینکل بورڈ کے سیکریٹری پروفیسر مقصود حسین کو ناظم امتحانات بناکر پروفیسر سراج اسلام بخاری کو فارغ کردیا گیا تھا اور اس اسامی پر قاضی عارف کو تعینات کردیا گیا تھا۔ ثانوی تعلیمی بورڈ کراچی میں گزشتہ ماہ گورنر ہاوس سے ریٹائر ہونے والے ایڈیشنل سیکریٹری عبدالرحمنٰ کو ثانوی تعلیمی بورڈ کراچی میں ڈائریکٹر ریسرچ کی اسامی پر تعینات کردیا گیا ہے جبکہ اسی اسامی کے لیے پی ایچ ڈی اور تحقیق کا 7 سالہ تجربہ ہونا ضروری ہے ثانوی تعلیمی بورڈ میں اسی اسامی پر گزشتہ 7 سالوں سے خلاف ضابطہ تقرریوں کا سلسلہ جاری ہے۔سکھر تعلیمی بورڈ کے چیرمین ڈاکٹر محبوب شیخ نے اپنے بورڈ میں نجی کھادکمپنی کے اکاوٴئنٹنٹ کی تعیناتی پر تبصرہ کرنے سے انکار کردیا۔

لاڑکانہ بورڈ کے چیئرمین علی شاہ بخاری سے اتوار کو تین مرتبہ رابطے کی کوشش کی گئی پہلے ان کے پی اے نے بتایا کی صاحب آرام کر رہے ہیں۔ پھر کہا کہ موجود نہیں اور تیسری مرتبہ شام کو کہا کہ آواز نہیں آرہی اور اس کے بعد موبائل اٹھانا بند کردیا ۔میٹرک بورڈ کے چیرمین انظار زیدی نے بورڈ میں ہونے والی دونوں تقرریوں پر کہا کہ یہ تقرریاں میٹرک بورڈ کے بورڈ آف گورنرز کی منظوری سے مشروط ہیں۔ شکریہ جنگ

Comments

جنگ کو کیا تکلیف ہے

جنگ کو کیا تکلیف ہے
taklīf तकलीफ़
جو پیلز پارٹی کے خلاف بات کرتا ہے ۔
یہ مکمل جھوٹی سٹوری ہے جو جنگ نے اپنے دفتر کے اندر تیار کی ہے

Post new comment

Image CAPTCHA
Enter the characters shown in the image.