تعلیمی معاملات میں مداخلت نہ کی جائے، جامعہ کی پراپرٹی کو نقصان نہ پہنچایا جائے اور خواتین کے ساتھ کوئی امتیازی سلوک روا نہ رکھا جائے اور اگر سیاست کرنی ہے تو جامعہ کے باہر کی جائے۔ شروع میں ایک مذہبی طلبہ تنظیم کے کچھ لڑکوں نے تعلیمی معاملات میں مداخلت کی تو میں نے انہیں خارج کر دیا۔ اس وقت سندھ کے گورنر ایک (ر) جنرل تھے جنہوں نے مجھ پر ان طلبہ کو بحال کرنے کے لئے دباؤ ڈالا مگر میں نے کہا کہ یہ بیوقوف بنا رہے ہیں اور میں نے ان کی بات نہیں مانی۔
بعدازاں حکمراں جماعت کی طلبہ تنظیم کے کچھ لڑکوں نے گڑبڑ کی تو ان کو بھی فارغ کردیا مگر موجودہ گورنر عشرت العباد خان کو میں خراج تحسین پیش کرتا ہوں کہ انہوں نے ان طلبہ کی بحالی کے لئے کبھی نہیں کہا۔ انجینئر اے کلام نے کہا کہ وائس چانسلر کا کام صرف اپنے دفتر میں بیٹھنا نہیں ہوتا میں خود وقتاً فوقتاً کلاسوں میں جاتا ہوں۔ خاموشی سے دیکھتا ہوں کہ ٹیچر کیسا پڑھارہا ہے۔ خود وقت پر آتا ہوں روزانہ آتے اور جاتے ہوئے حاضری لگاتا ہوں۔ جب میں حاضری لگاؤں گا تو ظاہر ہے ٹیچر بھی لگائیں گے۔ آفیسرز بھی لگائیں گے اور ملازمین بھی لگائیں گے۔

یونیورسٹی چلانے کے لئے ٹیم ورک اور مانیٹرنگ بہت ضروری ہے اور میں یونیورسٹی کے گیٹ اور دوسرے مقامات کا بھی اکثر دورہ کرتا رہتا ہوں۔ انجینئر اے کلام نے جامعہ کراچی کے سابق وائس چانسلر ڈاکٹر عبدالوہاب کو بہترین ایڈمنسٹریٹر قرار دیا تاہم یہ بھی کہا کہ سیکورٹی فورس بنانے کے باعث انہیں وقت سے پہلے جانا پڑ گیا ۔ انہوں نے کہا کہ وہ پہلے عمل پر یقین رکھتے ہیں بعد میں رینجرز کا استعمال کرتے ہیں۔ انجیئر اے کلام نے مزید کہا کہ جامعات کی گرانٹ میں کمی کی اصل ذمہ دار وفاقی محکمہ خزانہ ہے ۔
شکریہ جنگ